| ہر کام کبریا کا یکتا ہے دیکھ لیں |
| عکسِ جمالِ جاناں کیسا ہے دیکھ لیں |
| منظر فضائے کن میں کس کا جلال ہے |
| ہستی کو فیض کس سے آتا ہے دیکھ لیں |
| دلبر جہاں میں کیا کیا کرتا کمال ہے |
| ان پر فدا زمانہ ایسا ہے دیکھ لیں |
| کُشتہ نبی کی حب کا دائم حیات ہے |
| مولا کے گھر میں کھاتا پیتا ہے دیکھ لیں |
| عشقِ نبی سے دل کی قائم حیات ہے |
| نامِ نبی میں جاں کا مژدہ ہے دیکھ لیں |
| یادِ نبی کا گہنہ عمدہ ہے شان دار |
| ہر جاں نثار ان کا اعلیٰ ہے دیکھ لیں |
| ہجرِ نبی میں آنسو موتی ہیں آبدار |
| دامن مراد اس سے بھرتا ہے دیکھ لیں |
| ناموس مصطفی کی ہے جانِ واصلیں |
| قربان اس پہ مومن کیسا ہے دیکھ لیں |
| محمود وہ غنی ہیں ان کے کرم ہزار |
| ہر فیض کا جو یکتا داتا ہے دیکھ لیں |
معلومات