| سجا کے دل میں رکھا ہم نے ہجرِ یار کا داغ |
| لگا تھا گرچہ کلیجے پہ اس کے وار کا داغ |
| عیاں کیا ہی نہیں اس پہ جب ملا ہوں اسے |
| چھپا کے رکھا ہے سینے میں اس کے پیار کا داغ |
| نمایاں میں نے کیا کب تھا ضد تمہاری تھی |
| دکھایا جائے سبھی کو دلِ فِگار کا داغ |
| بھروسہ میں نے کِیا تم پہ خود سے بھی بڑھ کر |
| مگر تمہی سے ملا مجھ کو اعتبار کا داغ |
| مرے ضمیر نے مجھ کو ہی سنگسار کیا |
| لگا کے مجھ پہ ہمیشہ گناہ گار کا داغ |
| مرا بیان سنا ہی نہیں عدالت نے |
| دکھاتا کیسے وہاں پر کسی عیّار کا داغ |
| مجھے تو لُوٹا گیا ہے بھری جوانی میں |
| نحیف کر گیا مجھ کو جو لُوٹ مار کا داغ |
| مرے جو بس میں ہو طارق علاج میں کر دوں |
| کہ اب تلک نہ مٹا ہے ترے شکار کا داغ |
معلومات