| چلیں اخلاقی اپنا فرض سارے ہی نبھائیں گے |
| جو بھٹکے ہیں انہیں رستہ سبھی مل کے دکھائیں گے |
| کریں احباب پابندی مساجد اور گھر میں بھی |
| فضائل کی کتابیں پڑھ کے حلقوں میں سنائیں گے |
| کبھی دینگے نہیں ہرگز نمازوں کو قضا ہونے |
| محلہ کی فضا میں دینداری کو بسائیں گے |
| جھمیلے عارضی دنیا کے تو چلتے ہی رہتے ہیں |
| لگن سے عاقبت کی فکروں میں خود کو جُٹائیں گے |
| سکوں ہو زندگی میں اور ہو دیں کی رمق چھائی |
| مدینہ سا یہاں ماحول جب ہم بھی بنائیں گے |
| صفائی قلب کی ہوتی ہے ذکرِ مولٰی سے کیسی |
| یقیں ایمان کی بھی روشنی دل میں جگائیں گے |
| گناہوں سے کریں توبہ تو ناصؔر خیر ہو حاصل |
| صلہ دونوں جہاں میں نیکیوں کا بھی تو پائیں گے |
معلومات