زلف اس کی دراز ہوتی ہے |
شب ہماری گداز ہوتی ہے |
جب بھی کانٹوں سے زخم کھا کے چلے |
فصلِ گُل چارہ ساز ہوتی ہے |
سجدۂ عشق عرش پر پہنچے |
تب ہماری نماز ہوتی ہے |
جب حرم سامنے ہو سجدے میں |
ہر زمیں پھر حجاز ہوتی ہے |
جب عبادت قبول ہو جائے |
باعثِ فخر و ناز ہوتی ہے |
تخلیے میں جو ہو کبھی اس سے |
گفتگو ایک راز ہوتی ہے |
اس سے ملنے کا بار بار اکثر |
بس محبّت جواز ہوتی ہے |
میری یادوں میں وہ نہ ہو طارق |
وہ گھڑی شاز شاز ہوتی ہے |
معلومات