| داغ دامن پر لگے ہیں ان کو دھو سکتا نہیں |
| درد دل میں ہے خوشی اس میں سمو سکتا نہیں |
| وقت اک دولت ہے یہ احساس اب مجھ کو ہوا |
| وقت جتنا میں نے کھویا اور کھو سکتا نہیں |
| بوجھ ماضی کا اٹھا کر پھر رہا ہوں پیٹھ پر |
| درد کا یہ بوجھ میں اب اور ڈھو سکتا نہیں |
| خود سے جب نفرت مجھے پھر پیار تم سے کیا کروں |
| خود کا میں جب بن نہ پایا تیرا ہو سکتا نہیں |
| میں دیا ہوں جس نے گھر اپنا جلا کر رکھ دیا |
| راکھ کے اس ڈھیر میں خوشیاں تو بو سکتا نہیں |
| درد کے جو بیج بوئے اس نے شاہد روح میں |
| فصل اب تیار ہے اب اور سو سکتا نہیں |
معلومات