| لوٹ کر اپنے گھر جو آنے لگے |
| دل کو اچھے کئی بہانے لگے |
| کھو گئے ہم کہیں پہ رستے میں |
| ڈھونڈنے میں کئی زمانے لگے |
| جو ملے دوست وہ پرانے تھے |
| ہم کو وہ دوست ہی خزانے لگے |
| ذکر ہم نے کیا تمہارا جب |
| جانے کیوں اُٹھ کے لوگ جانے لگے |
| ہم نے کاٹی جو زندگی تنہا |
| گھر بھی ہم کو تو قید خانے لگے |
| واقعہ ہے یہ میرے شہروں کا |
| لوگ اپنے ہی گھر گرانے لگے |
| پیش جب سامنے ہوئے اس کے |
| میرے سارے عمل ٹھکانے لگے |
| ان کو دیکھا تو ہوش ایسے اڑے |
| دیکھ کر وہ بھی مُسکرانے لگے |
| طارق اُس پر نظر پڑی تھی یہاں |
| جب سے ہم اس گلی میں آنے لگے |
معلومات