| جو نُور کائنات میں ، شمس و قمر میں ہے |
| جلوہ نما ہوا وہی ، قلب و نظر میں ہے |
| گزری ہے تیری جستجو میں جو گھڑی وہی |
| سرمایۂ حیات مرا ، اس سفر میں ہے |
| گزرے بغیر اس سے ، پہنچ پائیں گے کہاں |
| وہ امتحان جو کہ ابھی رہ گزر میں ہے |
| کب تک رہے گی رات اندھیرا کئے ہوئے |
| اب اور کتنی دیر ، طلوعِ سحر میں ہے |
| خود کو بدل نہیں سکی دنیا جو آج تک |
| اب کوئی انقلاب کا منظر ، نظر میں ہے |
| منبر پہ درس دینے کے معیار گر گئے |
| وا عظ جو بو لتا ہےنگہِ معتبر میں ہے ؟ |
| تسلیم کر کے بات مری اس نے یہ کہا |
| کہتے تو سچ ہو ، سچ مگر اب کس نگر میں ہے |
| چرچا جو اس کے حسن کا پھیلا ہے چار سُو |
| کوئی تو بات پیشِ نظر ، اس خبر میں ہے |
| طارق اب انتظام تو کچھ ہونا چاہئے |
| کہتے ہیں کوئی شور نیا بحر و بر میں ہے |
معلومات