| اگرچہ لہجے میں بے حد مٹھاس رکھتے ہیں |
| نہ جانے دل میں وہ کیا کیا بھڑاس رکھتے ہیں |
| میں اپنے دوستوں کی سادگی پہ حیراں ہوں |
| جو دشمنوں سے مروّت کی آس رکھتے ہیں |
| وہ لوگ چین سے سوتے ہیں رات جی بھر کے |
| جو لوگ دن میں قناعت کو پاس رکھتے ہیں |
| کسی کے سامنے پھیلائیں ہاتھ ہم کیونکر |
| ملا تو کھا لیا سادہ لباس رکھتے ہیں |
| کریں ہم اپنی حفاظت بھی وضع داری سے |
| ہمارے کانٹے بھی پھولوں کی باس رکھتے ہیں |
| سلوک ہم سے کیا جائے گا محبّت کا |
| کب اپنے شہر میں ہم یہ قیاس رکھتے ہیں |
| ہمیں تو ان سے تعلّق ہے آشنائی کا |
| مزاج جو بھی ذرا غم شناس رکھتے ہیں |
| ہمارے سامنے طارق یہ پیچ ہے دنیا |
| کہ لا الٰہ پر دیں کی اساس رکھتے ہیں |
معلومات