| خِرَد بجا یہ کہے، بر تر از صلیب ہے وہ |
| ہے زندہ ، زندگی دینے میں تو عجیب ہے وہ |
| عجیب بات ہے دیکھا ، نہیں کبھی اُس کو |
| مگر یقین ہے ، شہ رگ سے بھی قریب ہے وہ |
| قدم تو اُس کی طرف میں بڑھا نہیں پایا |
| جو وصل پا گیا، سمجھا مرا رقیب ہے وہ |
| یہ آس لے کے مگر اس کے در پہ بیٹھا ہوں |
| دُعا سنے گا کبھی تو مری ، مجیب ہے وہ |
| غفور ہے وہ رحیم و کریم بھی ہے اگر |
| نہ خوف مجھ کو دلاؤ ، مرا حسیب ہے وہ |
| خدایا وصل کی صورت نکال اب کوئی |
| عدو ہے جو مری تنقیص کا نقیب ہے وہ |
| مرا گمان یقیں میں بدل نہ پائے گا |
| جو مجھ سے رُوٹھا ہوا ہے ، مرا نصیب ہے وہ |
| ہے منتظر تری نظرِ کرم کا ہی طارق |
| طلب میں تیری رضا کی ، ہوا غریب ہے وہ |
معلومات