| احسان ہیں یہ اس کے یا حسن و جمال ہے |
| یادوں کو اس کی ، دل سے بھلانا محال ہے |
| دل میں مرے سما گیا وہ شخص ہے جسے |
| مجھ سے بھی بڑھ کے ہر گھڑی میرا خیال ہے |
| میں ہاتھ اس کا تھام کے جو بھی قدم چلوں |
| گرنے کا خوف ہے نہ کوئی احتمال ہے |
| وہ پاک ہے وجود ، محبّت سے پُر ہے وہ |
| اِخلاص میں تو آپ وہ اپنی مثال ہے |
| عاجز ہے اپنی ذات میں ، وہ ہے بڑا حلیم |
| آنکھ اس کی دور بیں ہے ، علم با کمال ہے |
| اخلاق اس کے دیکھ کے حیرت میں پڑ گیا |
| جس نے بھی دیکھا ، یہ کہا وہ بے مثال ہے |
| دیں کے لئے ہے جب بھی ضرورت کوئی پڑی |
| اس کو عطا کیا خدا نے خوب مال ہے |
| سینے پہ اپنے وار وہ لیتا ہے بے دھڑک |
| خطرہ ہو کیوں ہمیں کہ ہماری وہ ڈھال ہے |
| بیٹھے ہیں اس کے سائے میں ، کھا کر سبھی طیور |
| شیریں پھلوں سے بھر گئی جو ڈال ڈال ہے |
| طارق بھی خوشہ چیں ہے ایک اس کے باغ کا |
| جس کی عطا سے ہر کوئی ہوتا نہال ہے |
معلومات