| ریگ زاروں میں گزاری زندگی |
| کس نے بھیجی کب اتاری زندگی |
| بچّوں کی فیسیں کتابیں ادویات |
| اتنی مشکل اتنی بھاری زندگی |
| اس قدر دعوے غرور و تمکنت |
| کاش ہوتی انکساری زندگی |
| پھول کھِل کر داد کا طالب رہا |
| ورنہ اصلاً رازداری زندگی |
| مال و زر کی دوڑ دولت کی ہوس |
| کتنی بد قسمت بچاری زندگی |
| تیسری دنیا کے باسی الاماں |
| محض اک مردم شماری زندگی |
| تیرے بچّے میرے بھی بھوکے رہے |
| نہ تمہاری نہ ہماری زندگی |
| نہ کوئی لیلیٰ نہ مجنوں ہے کہیں |
| زندگی بس ریزگاری زندگی |
| روز افزوں قیمتوں پر بے بسی |
| ضربِ مومن ضربِ کاری زندگی |
| سامنا حالات کا کیسے امید |
| ہو گئی ہے اشتہاری زندگی |
معلومات