وعدے کر کے مشکل کیوں پھر ان کو نبھانے ہو جاتے ہیں |
لوگ محبّت کرتے ہیں پھر خود انجانے ہو جاتے ہیں |
جیون ایسی راہگزر ہے جس پر چلنا مشکل ہے |
چلتے چلتے رُکنے کے بھی لاکھ بہانے ہو جاتے ہیں |
ہم جیسوں کو علم کتابوں سے ہی پڑھنا پڑتا ہے |
قاضی کے گھر کے بچے تو آپ سیانے ہو جاتے ہیں |
ستّاری کا پردہ رکھ کر بات کیا کر لوگوں سے |
ورنہ اپنے بھی مشکل پھر عیب چھپانے ہو جاتے ہیں |
روشن دن کو سورج رکھے، رات جو آئے چاند کھلے |
اترا جب تک نور نہ ہو، تاریک زمانے ہو جاتے ہیں |
کہتے کہتے شعروں کو بنتے ہیں غزل اپنی شاعر |
لکھنے والے لکھتے لکھتے خود افسانے ہو جاتے ہیں |
طارق اس سنسار کی رِیت سمجھ کر من کو سمجھا لے |
لوگ نئے آتے ہیں جب کچھ لوگ پرانے ہو جاتے ہیں |
معلومات