اک جوانمرد، صاحبِ کردار |
چاق و چوبند ہر گھڑی ہشیار |
مسجدِ فضل کی صفِ اوّل |
اس کو پاتے وہیں پہ سب ہر بار |
ہو گیا مستعد ڈیوٹی پر |
اس کو دفتر نے دی صدا اک بار |
عمر خدمت میں اس کی گزری پھر |
وہ خلافت کا ایسا تابعدار |
وقت پر کام اس کا شیوہ تھا |
کام سمجھا نہیں کوئی دشوار |
غیرتِ دین ایسی رکھتا تھا |
خوف کھاتے تھے ، رعب سے اغیار |
سارے لوگوں سے پیار اپنوں سا |
جس کا ہوتا تھا ہر گھڑی اظہار |
اس کو محبوب تھا خدا کا گھر |
وہ تھا مسجد تھی یا تھی راہ گزار |
ربّ کا تھا ایک بندۂ رحمٰن |
پُر وقار اورمہرباں، خود دار |
ہے دعا جا کے اپنے ربّ کے حضور |
اُس کو مل جائے خلعتِ دربار |
جنَّت اُس کی رضا کی مل جائے |
وہ جو شامل کرے مَعَ الابرار |
معلومات