| میں شوخیِ گل بہار ہوتا اگر اسے مجھ سے پیار ہوتا |
| خزاں کے رت میں گلاب لہجہ بناۓ میں استوار ہوتا |
| فضاۓ محرومِ گلستاں ہوں مرا نشیمن کہیں نہیں ہے |
| جو ریگزاروں میں نہ بھٹکتا چمن میں بادِ بہار ہوتا |
| میں بلبلِ نغمہ ساز نے ہوں ؟ چمن میں جانے سے روک ڈالا |
| برا مگر اس پہ کیا گزرتا چمن سے گر ہم کنار ہوتا |
| وہ باغبانِ چمن ہے گرچہ اسے خبر کچھ نہیں ہے گل کی |
| وگرنہ میں گل بہار ہوتا نہیں خزاں کا شکار ہوتا |
| میں وہ کلی ہوں کہ چبھتا رہتا ہوں باغباں کے دل و نظر میں |
| اے کاش میں خوشگوار ہوتا ، میں اس کے دل کا قرار ہوتا |
| یہ جام و مینا مجھے بھی ملتا مجھے بھی ساقی گوارا کرتا |
| جو بادہ نوشوں کی انجمن میں اگر مرا بھی شمار ہوتا |
| کہا جو میں نے یہ کیا ستم ہے تو واعظِ دل نواز بولا |
| کہ تو ہی تو بس جہاں میں ہوتا خودی پہ گر اعتبار ہوتا |
| کہ تیری ہستی ہی تیرا سب کچھ ہے اے دلِ بے نیاز! جانو |
| جو خود سے تجھ کو امید ہوتی زمانہ تجھ پر نثار ہوتا |
| یہ اس قدر بھی نہ ہاتھ پھیلا کہ چادرِ شرف چاک تر ہو |
| جو اپنی حد سے تو نہ گزرتا کسی کے آگے نہ خوار ہوتا |
| تو تنہا کیوںکر سمندروں کے میان پھینکا کبھی بھی رہتا |
| جو قعرِ دریا کا سب سے اچھا تو گوہرِ آبدار ہوتا |
| یہ سن کے دل نے کہا ہے مجھ سے اے میرے ہمدم ! سنو تو کہدوں |
| یہ " ما تمنی" جبھی تھی ممکن اگر ترا اختیار ہوتا |
| یہ سن کے خود پر ملال آیا یہ آہ سوزِ جگر سے نکلی |
| کہ میں بھی دستِ کرم کا اس کے کوئی حسیں شاہکار ہوتا |
| ستارہ بن کے فلک پہ رہتا زمانہ مجھ سے سرور پاتا |
| مگر مقدر مرا یہی تھا کہ خاکِ پا رہ گزار ہوتا |
| میں ہر نظر کا دلارا اے دل ! نہ بن سکا ہاۓ کم نصیبی |
| کہ مضطرب چشمِ منتظر کو کبھی مرا انتظار ہوتا |
| کبھی مجھے کیوں گلہ ہو اس سے اگر میں قابل نہیں کسی کے |
| مگر ذرا میرا شوق دیکھے بھلے اسے ناگوار ہوتا |
| یہ شکستہ دل کی صداۓ بے جا کہوں کسی سے یا نہ کہوں میں |
| کہ میری حسرت میں کوئی روتا کوئی مرا جانثار ہوتا |
| جو نا امیدی کے شاہراہ پر اگر چراغِ امید ہوتی |
| تو من کے ویران دشت و صحرا میں میں مثل، لالہ زار ہوتا |
| وہ اپنے یاروں میں جانثاروں میں مجھ کو بھی ہاں، شمار کرتا |
| اگر اسے کچھ لگاؤ ہوتا تو میں بھی یارانِ غار ہوتا |
| مری غزل میں چمک نہیں ہے دمک نہیں ہے رمق نہیں |
| ہے |
| کہوں میں خود کو غزل سرا کیوں اے کاش میں ہونہار ہوتا |
| یہ ایک خواہش مجھے بھی کب سے ستاۓ جاتی رہی ہے شاہی ؔ |
| کہ میں کبھی اس کے در پہ ہوتا مجھے بھی دیدارِ یار ہوتا |
معلومات