خونِ دل میں ہوا ہے شامل کون |
کون رہزن ہے میرا قاتل کون |
ناؤ کیسے لگی کنارے پر |
کھینچ لایا ہے پاس ساحل کون |
ان کا شب خون کا ارادہ ہے |
اب رہے دشمنوں سے غافل کون |
ہم سفر پر چلے تھے دیر ہوئی |
اب دکھائے گا اپنی منزل کون |
خود سے اکثر سوال پوچھا ہے |
زندگی کا ہے میری حاصل کون |
کس کی تعمیر ہو گئی ہے حیات |
نامکمّل ہے کون کامل کون |
ہیں مگن لوگ خود ستائی میں |
اس کے بندوں میں اب ہے داخل کون |
طارق اب انتظار ہے کس کا |
اور تم سا ملے گا عاقل کون |
معلومات