| کتنا حسیں ہے اس کا جو انتخاب ہے |
| طالب نبی کے در کا ہی کامیاب ہے |
| لطفِ نبی سے اس کو ایسی طلب ملی |
| عمدہ سہانا ہے یہ جو اضطراب ہے |
| گر دھول بھی ہوا وہ دلبر کی راہ میں |
| ہر ایک گام اس کا کارِ ثواب ہے |
| ہے ضوفشانی ان سے اس کائنات کی |
| جگمگ انہیں کے دم سے یہ ماہتاب ہے |
| پلٹا قدم سے الٹا جنبش سے انگلی کی |
| روشن فضا میں دیکھو جو آفتاب ہے |
| منظر چمن میں ہمدم کتنے حسین ہیں |
| آقا کے دم سے ساری یہ آب و تاب ہے |
| رہتا ہے بھر کے دامن ان کے ہی فیض سے |
| جو بھی نبی کی مجلس میں باریاب ہے |
| محمود جائیں بطحا مل کر کریں دعا |
| آقا کے اس کرم سے جو بے حساب ہے |
معلومات