| نگاہِ شوق سے اثبات ہو نہیں پائی |
| مری خودی کو ابھی مات ہو نہیں پائی |
| وہ میرے شہر میں اترا تو خوب چرچا ہوا |
| گئے تو ہم بھی ملا قا ت ہو نہیں پائی |
| اگرچہ ابر گھٹا بن کے چھا گئے ہر سُو |
| مرے چمن میں تو برسات ہو نہیں پائی |
| زمانہ یاد تو رکھتا ہے اپنے مجرم کو |
| مگر ابھی تو مکافات ہو نہیں پائی |
| کبھی قریب سے گزرو تو یاد کر لینا |
| گلی جو شہر کی دیہات ہو نہیں پائی |
| وفا کے قصے سنے ہیں جو حوصلے کے لئے |
| کہانی حصّۂ جذبات ہو نہیں پائی |
| اگرچہ ساتھ رہے ہم کئی حوالوں سے |
| ہماری ان سے کوئی بات ہو نہیں پائی |
| میں شہر شہر سے لایا تھا یاد تحفے میں |
| جو آئی گھر سے وہ سوغات ہو نہیں پائی |
| نہیں ہے کوئی بھی شکوہ ملا نہ وہ مجھ سے |
| کہ طارق اپنی یہ اوقات ہو نہیں پائی |
معلومات