کس دیس سے آخر آئے ہو |
کچھ اور طرح کے لگتے ہو |
جانا ہے ضروری تو جاؤ |
اک بات ہمیں پر بتلاؤ |
تم بالغ عاقل لگتے ہو |
اور یوں بھی قابل لگتے ہو |
جب بولو تم سچ بولتے ہو |
جو بات کرو ہو صاف کرو |
دھوکے کی کوئی بات نہیں |
سر اونچا کرتی ذات نہیں |
ہر وعدہ پورا کرتے ہو |
کب کام ادھورا کرتے ہو |
ناں ٹیکس ہی چوری کرتے ہو |
ناں رشوت سے منہ بھرتے ہو |
ناں فون کسی کا رام کرے |
ناں چائے پانی کام کرے |
جو بوجھ ہیں بھاری دنیا کے |
دکھ تم کو ساری دنیا کے |
آداب کہاں سے لائے ہو |
شاید باہر سے آئے ہو |
یا اس کو تم نے مانا ہے |
جو وقت کا رہبر آنا ہے |
لیکن یہ ہم نے جانا ہے |
اب اس کا سارا زمانہ ہے |
معلومات