| او ستم گر تجھے ہوا کیا ہے |
| مجھ سے اب جو ہوئی خطا کیا ہے |
| میں تو خاموش ہو گیا کب سے |
| اب نہ پوچھو کہ مدعا کیا ہے |
| اب تو تیری طلب نہیں مجھ کو |
| ظلم مجھ پر یہ اب روا کیا ہے |
| تو یہ ظالم مجھے بتا ہی دے |
| تجھ کو یہ نشۂ انا کیا ہے |
| دل تو قدموں میں پھینک آیا تھا |
| میرے اندر یہ پھڑ پھڑا کیا ہے |
| تو لگاتا ہے پیار کی قیمت |
| تو نہیں جانتا وفا کیا ہے |
| پیار نیلام کر دیا تم نے |
| پیار میں اور اب رکھا کیا ہے |
| بے وفا کہہ کے تو بلاتا ہے |
| اور اب حرفِ ناروا کیا ہے |
| درد ایسا ہے جاں گزا اب کے |
| اور اس سے بری قضا کیا ہے |
معلومات