| وصل کی آرزو لئے چہرے |
| گھر سے نکلےکھلے کھِلے چہرے |
| نورِ عرفاں سے جو ہوئے روشن |
| ٹمٹمائے نہ پھر بجھے چہرے |
| گرم جذبے تھے سرد راتوں نے |
| زرد ان کے نہیں کئے چہرے |
| آس رکھتے ہیں وہ جو ملنے کی |
| وہ دکھائی دئے سجے چہرے |
| وصل سے ہو گئے منوّر جو |
| مسکراتے ہیں سوچتے چہرے |
| تیز جب بھی چلیں مسافر تو |
| گرد آلود کچھ ہوئے چہرے |
| ہم جو ان کے قریب جا بیٹھے |
| ان کے فوراً بدل گئے چہرے |
| آنکھ کھولیں تو پھر نظر آئیں |
| منتظر لوگ ملگجے چہرے |
| کاش بدلیں وہ زندگی طارق |
| ہوں گے اک دن عیاں چھپے چہرے |
معلومات