| بات دانائی کی ہم کرنے سے باز آتے نہیں |
| یوں اگر شکوہ کسی کو ہو تو گھبراتے نہیں |
| حیف ہے ان پر جنھیں ملتے ہیں بوڑھے والدین |
| کر کے خدمت ان کی پھر جنَّت میں وہ جاتے نہیں |
| یا جو پائیں ماہِ رمضاں تندرستی میں مگر |
| روزہ رکھ کر آگ سے دوزخ کی بچ جاتے نہیں |
| قُرب کا ملتا نہیں ہے وہ فرشتوں کو مقام |
| اشرف المخلوق جو انسان کہلاتے نہیں |
| ہو جو انساں سے فرشتوں سے نہ ہو راز و نیاز |
| حضرتِ انسان جیسا قُرب وہ پاتے نہیں |
| ابتلا دشمن کے ہاتھوں سے ہوں یا تقدیر سے |
| دوستی جن کی خدا سے ہو وہ گھبراتے نہیں |
| انَّا للّٰہ صبر سے پڑھ کر ہوں جب وہ سرخرو |
| ان پہ ان کے رب سے رحمت اور صلٰوت آتے نہیں |
| دائمی پاتے وہی ہیں اس جہاں میں زندگی |
| جان دینے سے خدا کی رہ میں شرماتے نہیں |
| اس کی رہ میں جینا مرنا ہو اگر طارق تِرا |
| نعمتیں جو بھی ملیں پھر ان کو ٹھکراتے نہیں |
معلومات