| کرے تاباں جو سینے کو روضہ کی جلا دیکھو |
| جالی جو چمکتی ہے گنبد یہ ہرا دیکھو |
| ہے نور چھپا دل کا الطافِ حبیبی میں |
| مسجد میں چلے آؤ خود آ کے ضیا دیکھو |
| کیا خوب نظارے ہیں اطراف میں منبر کے |
| کچھ محوِ ثنا اس جا کچھ کرتے دعا دیکھو |
| گر صبحِ فروزاں کی ہے چاہ چھپی دل میں |
| ان طیبہ کی گلیوں میں یہ نورِ صبا دیکھو |
| وا اُن کے کرم سے ہیں یہ جو باب ہیں رحمت کے |
| انداز سے دیتے ہیں یہ جود و سخا دیکھو |
| من میں ہے اگر چاہت سرکار سے الفت کی |
| پھر خلق ہے جو رب کی اسے مدح سرا دیکھو |
| محمود رکھا دل میں گر شوقِ شفاعت ہے |
| جو شافیٔ محشر ہیں در روزِ جزا دیکھو |
معلومات