یہ پیارا تمہارا بھی سلطان ہے |
کیا رب نے نبیوں میں اعلان ہے |
یہ میثاق میں ارفع اقرار تھا |
رسالت نبی جزوِ ایمان ہے |
نبی جانِ ہستی خلق اولیں |
دیا کن سے رب نے یہ فرمان ہے |
لکھا نامِ احمد بھی یوں عرش پر |
عیاں ہو خلق کا یہ عنوان ہے |
ملے مصطفیٰ رب سے ہادی ملے |
گراں رحمتوں کا جو سامان ہے |
ہیں نورِ مبیں سیِّدِ مرسلیں |
جو فرمانِ قدرت ہے قرآن ہے |
قیامت میں سنگ اُنؐ کے اُنؐ کے غلام |
حبیبِ خدا کا یہ فرمان ہے |
خدا کی رضا کا وسیلہ ہیں وہ |
ملی راہ ان سے جو آسان ہے |
دہر کی ہے رونق ورودِ نبی |
یہ کونین ورنہ بیابان ہے |
جو مالا پروتا ہے اشکوں سے دل |
فراقت سے پیدا یہ ہیجان ہے |
ہے محمود کوثر نبی کے لیے |
نبی کو خدا کا یہ اک دان ہے |
معلومات