مسکراہٹ بانٹنے تم آؤ نا |
آ کے محفل میں کبھی تم جاؤ نا |
یاد کے گہرے سمندر میں کبھی |
تم اتر جاؤ تو واپس آؤ نا |
اک طلسماتی محل میں بیٹھ کر |
گیت مدھم سُر میں کوئی گاؤ نا |
وقت نے جو زخم گہرے دے دئیے |
وہ تو بھر جائیں گے آخر گھاؤ نا |
مصلحت دیکھیں اگرچہ لوگ سب |
تم تو سچ کہتے ہوئے شر ماؤ نا |
مجھ کو تاریکی میں ٹھہرا دیکھ کر |
راستے کی روشنی بن جاؤ نا |
صبح دم سورج کی کر نیں بن کے تم |
خواب سے مجھ کو جگانے آؤ نا |
شام کو زینے پہ یوں ہی بیٹھ کر |
تم کسی کی یاد میں کھو جاؤ نا |
دھیرے دھیرے چل رہی ہے زندگی |
زندگی میں پھر مجھے دوڑ آو نا |
ایک پل سے دوسرے تک فاصلہ |
فاصلوں کو اس قدر بڑ ہاو نا |
چار دن ہی آپ کی قربت ملے |
کچھ تو پورے ہوں گے میرے چاؤ نا |
تیرے بن طارق بھلا کیسے رہے |
اس کی یادیں تو اسے لوٹ آؤ نا |
معلومات