| میرے نبی پہ ہر دم رب کے سلام ہیں |
| خوشیاں منائیں گے ہم ان کے غلام ہیں |
| ثانی نہیں ہے ان کا پیدا جہان میں |
| سب سے ورا خلق میں جن کے مقام ہیں |
| پیتے ہیں ان کے در سے سالک جہان کے |
| وحدت کے عمدہ سارے آقا سے جام ہیں |
| روشن ہیں مہر سے بھی اقوالِ مصطفی |
| آئی وحی خدا سے ان کے کلام ہیں |
| سارے ملائے اعلیٰ یادِ نبی میں ہیں |
| کرتے ثنا نبی کی عالم تمام ہیں |
| معراج شب تھے یکجا اقصیٰ میں انبیا |
| ان سب کے حکمِ رب سے آقا امام ہیں |
| محمود درجے ان کے ہیں خرد سے ورا |
| جن و بشر فرشتے جن کے غلام ہیں |
معلومات