کسی سنسان مسجد میں |
کسی ویران مندر میں |
سمندر کے کنارے پر |
کسی صحرا کی وسعت میں |
کسی جنگل کے سائے میں |
کہیں تاریک غاروں میں |
کہیں اونچے پہاڑوں میں |
جہاں اتنی خموشی ہو |
کہ دل کی دھڑکنیں گننا |
بہت آسان ہو جائے |
وہیں پر شام ہو جائے |
خموشی تم سے بولے گی |
بہت سے راز کھولے گی |
تمھارے سامنے تھا جو |
مگر دکھتا نہیں تھا وہ |
تمھیں سب کچھ دکھائے گی |
تم اب تک ڈھونڈتے تھے جو |
تمہیں جو مل نہ پایا تھا |
تمہیں اس سے ملائے گی |
تمہیں خود سے ملائے گی |
فقط کچھ دن ہی کافی ہیں |
تمہارے پاس فرصت ہو |
معلومات