رہا شاد ہر دم وہ ہی ہر زماں |
ملا عشقِ احمد جسے نورِ جاں |
درخشاں سدا ہے اسی کا جہاں |
نبی پاک جس کو ملے جانِ جاں |
فروزاں ہے دل ان کے دیوانے کا |
سکوں میں ہے من ان کے پروانے کا |
جو بھٹکا ہوا ہے وہ مغضوب ہے |
ہدایت رہی ان سے منسوب ہے |
نہیں اس کو گھٹکا کہیں بھی نہیں |
جو عشقِ نبی میں ہے خندہ جبیں |
خلق میں رہا ہے وہ ہی خوب تر |
نظر میں نبی کی ہے جو معتبر |
زمیں پر چلے وہ بڑی شان سے |
ہیں محبوب جس کو نبی جان سے |
کرم کر دیں جس پر نبی مصطفیٰ |
دہر میں خوشی سے وہ ہی ہے رہا |
خدا بھی ہے دیتا اسے ہی ضیا |
ہیں رہبر ملے جس کو صلے علیٰ |
تو بھی مانگ محمود ان کا کرم |
ہے خیرات جن کی جہانِ ارم |
معلومات