| جب تلک ان کی گلی میں رہے بیزار رہے۔۔ |
| مدتوں ہم کسی کے واسطے یوں خوار رہے۔۔ |
| زخم دینے کی وہ رفتار میں پرکار رہے۔۔ |
| مست اس بان میں وہ خوگرِ پندار رہے۔۔ |
| ہم کچھ اس طرح سے حالات سے دو چار رہے۔۔ |
| لاش پر چیل کی جو گردشِ سیار رہے۔۔ |
| رنج سے آنسو مری آنکھ میں ہر بار رہے۔۔ |
| کہ ہم ان موج و تلاطم میں بھی فنکار رہے۔۔ |
| ترچھی نظروں سے ہمیں دیکھتے ہیں وہ کیا بات۔۔ |
| تیر تو ہوتا ہے وہ سینے کے جو پار رہے۔۔ |
| ڈھاۓ ہیں ظلم و ستم خود پہ بہت فرقت میں۔۔ |
| کہیں تو اپنے ہی ہم جسم کے غدّار رہے۔۔ |
| چین سے ہم تو کسی رات نہیں سو پاۓ۔۔ |
| عالمِ رنج میں بادہ لیے سرشار رہے۔۔ |
| ہے عجب سلسلۂ خصلتِ بادہ خوری۔۔ |
| اک پیالہ پییں تو دوسرا درکار رہے۔۔ |
| ولولہ عشق نے بے طرح کیا ہم کو ہلاک۔۔ |
| چار ناچار ہو کے عشق میں نادار رہے۔۔ |
| اب اذیت میں مزہ آنے لگا ہے ہم کو۔۔ |
| تو خدا سے ہے دعا یونہی یہ آزار رہے۔۔ |
| جوشِ حیرت کا نہیں فائدہ کوئی اے زیؔب۔۔ |
| ہو کے کیوں پورا کوئی وعدۂ عیار رہے؟ |
معلومات