بڑے بھاگ والا گدائے نبی ہے |
غنی اس کو کرتی عطائے نبی ہے |
سجایا جہاں کو ہے نورِ نبی نے |
دہر کا بھی زیور ثنائے نبی ہے |
ورودِ نبی سے ہیں طاغوت لرزاں |
یہ ہیبت اے ہم دم برائے نبی ہے |
عجب جا بنائی خدا نے یہ جنت |
مگر اس کو ہمدم بسائے نبی ہے |
ہیں دانائے ہستی نبی میرے سرور |
ہدایت کے سب گُر سکھائے نبی ہے |
کمایا زیاں ہے چلو ان کے در پر |
جو بگڑی ہے قسمت بنائے نبی ہے |
ہوں محمود پر بھی کرم کی نگاہیں |
جو حسرت ہے اس کی لقائے نبی ہے |
معلومات