| یہی فکرِ مسلسل ہے، دعاۓ درد و دل سوزی |
| کہ مل جائے مسلماں کو وہی اسرارِ فیروزی |
| ستارے ظلم کے خونِ شفق میں ڈوبنے کو ہو |
| طلوعِ صبح روشن ہو شبِ ظلمت کی خوں ریزی |
| تلاش و جستجو میں آج بھی ہے گردشِ دوراں |
| خضؔر جو راہ میں مل جائے، موسؑی کی ہو پیروزی |
| حکومت جس کے قبضے میں وہی دارؔا ، سکؔندر ہے |
| وہی فاتحؔ محمؒد ہے ،وہی ہر دور کا غازی |
| وہی ہے وارثِ تختِ سلیؑماں، فاتحِ عالم |
| شرارِ آرزو سے جو جلا دے قصرِ پرویؔزی |
| نگاہِ مردِ مومن میں غبارِ رہ گزر ہیں سب |
| امارت ہاۓ تیمؔوری ، حکومت ہاۓ چنگیؔزی |
| یہی اندازِ فطرت ہے، یہی آئیں مسلم ہے |
| زمانہ اس کے خاکِ پا میں ہے جو لے گیا بازی |
| جگر فولاد نا ہو گر، نہ ہو اندازِ شمشِیری |
| تو شاہیں سے رکھے کیونکر کبھی امیدِ شہبازی |
| ہو بادِ تند و طوفاں یا ستم ہائے قیامت ہو |
| تمناۓ دلِ شاہیں فقط ہے لطف انگیزی |
| یہی فریاد کرتی ہے یہ خوں آلود خاکِ ہندؔ |
| سیاست نامۂ شاہؔی تقاضہ ہاۓ امروزی |
| دلِ ویراں کی آبادی ہے ،مضمر صبح خیزی میں |
| شِکوہِ عبد رکھتی ہے مناجاتِ سحر خیزی |
| سراپا بزم تھے جو علم و عرفاں کے تھے گہوارا |
| انہیں میں ایک رازیؔ ہیں ،غزالؔی اور شیؔرازی |
| ہنر میں گوہرِ یکتا ، تھے نورِ وحدتِ یزداں |
| سکھایا جس نے کلیوں کو اداۓ مستِ گلنازی |
| جلا کر دل نہ رکھ دیتا اگر خورشیدِ عالم تاب |
| تنک تابی ستاروں کی نہ کرتی شمع افروزی |
| دلِ صدیؓق پیدا کر جگر فاروؓق پیدا کر |
| غنی عثؓمان پیداکر علیؔ حیؓدر کی جانبازی |
معلومات