| میں اس سے کیسے کہوں اس کے اختیار میں ہوں |
| میں درد حد سے گزرنے کے انتظار میں ہوں |
| نہ میں مسیحا نہ زاہد نہ شیخ ہوں نہ امام |
| ہر ایک چیز سے منکر میں انتشار میں ہوں |
| نہ دل میں چین ہے اور روح میں قرار نہیں |
| کہ میں خزاں میں نہیں ہوں نہ ہی بہار میں ہوں |
| تمام عمر یہ خواہش کہ سو سکوں اک پل |
| ہر ایک لمحہ یہاں پر میں اضطرار میں ہوں |
| کہیں بھی راستہ اپنا نظر نہیں آتا |
| کہیں پہ دھند میں ہوں اور کہیں خمار میں ہوں |
| میں خود سے آنکھ ملا ہی نہیں سکا اب تک |
| میں اپنے آپ سے شاہد ابھی فرار میں ہوں |
معلومات