تمہارا ہی سہارا ہے معین الدین اجمیری |
یہی دل نے پکارا ہے معین الدین اجمیری |
رسولِ پاک نے بھیجا ہے جس کو ہند کی نگری |
علی کا وہ دلارا ہے معین الدین اجمیری |
ملی ایمان کی دولت تمہاری ہی بدولت ہے |
بڑا احساں تمہارا ہے معین الدین اجمیری |
جدھر جاؤں تجھے پاؤں یہی جے پال بولا تھا |
تِرا ہر سو نظارہ ہے معین الدین اجمیری |
عطا کر دیجئے صدقہ طفیلِ عثماں ہارونی |
گدا دامن پسارا ہے معین الدین اجمیری |
سِوا تیرے کوئی ملجا نہ ماویٰ ہے زمانے میں |
مجھے سب نے نَکارا ہے معین الدین اجمیری |
عنایت کی نظر ہو جائے رنجیدہ تصدق پر |
دل و جاں پارہ پارہ ہے معین الدین اجمیری |
معلومات