| ہم سب سے مل کے عید منائیں گے دوستو |
| یوں پیار دے کے دوست بنائیں گے دوستو |
| صد شکر روزے رکھنے کی توفیق پھر ملی |
| نغمے خدا کی حمد کے گائیں گے دوستو |
| بچے پہن کے رنگ برنگے لباس پھر |
| پڑھنے کو عید شوق سے جائیں گے دوستو |
| روزہ رکھا تو رُک گئے اُس سے جو تھا حلال |
| کھانا ہے اب ثواب تو کھائیں گے دوستو |
| اک ماہ میں ہوئے جو گناہوں سے پاک ہم |
| اب اور نیکیاں بھی کمائیں گے دوستو |
| گھر جا کے دوسروں کے بھی دیں گے مبارکیں |
| پاکیزہ محفلیں بھی جمائیں گے دوستو |
| پِس کر مصیبتوں میں ہوئے خستہ حال جو |
| دلداری کر کے ان کو ہنسائیں گے دوستو |
| ایسی بھلائیوں سے بھلا فائدہ ہے کیا |
| احسان کر کے پھر جو جتائیں گے دوستو |
| راضی اگر خدا ہو ملے نفس مطمئن |
| تب سُرخرو جہان سے جائیں گے دوستو |
معلومات