| قربِ حبیبِ داور مولا سے دوستی ہے |
| اس میں اماں چھپی ہے اور اس میں آشتی ہے |
| کوثر کے ہیں وہ حامل لو لاک شان ان کی |
| کرتی سخا انہی کی نادار کو غنی ہے |
| اُن کی عطا نہ چھوڑے حرصِ مزید باقی |
| جن کی ثنا میں پنہاں دارین کی خوشی ہے |
| بے مثل فیض جن کا لا ریب ہیں وہ داتا |
| اور ذات آپ کی ہے جو عیب سے بَری ہے |
| واصل خدا سے ہیں وہ شامل خلق میں ہو کر |
| یہ اعلیٰ شان ان کو مختار سے ملی ہے |
| رونق چمن میں ساری لائے قدم نبی کے |
| آقا سے باغِ دل کی ہر شاخ بھی ہری ہے |
| ہستی میں ہے درخشاں محمود شان ان کی |
| اور ان کے فیض سے ہی ہر من میں روشنی ہے |
معلومات