| بخشش تجھی سے مانگوں ہے کرم کام تیرا |
| رکھ پردے اس حزیں کے مولا ہے نام تیرا |
| مجرم ہوں پر خطا ہوں دیتا تجھے سدا ہوں |
| کر فضل اے خدایا میں ہوں غلام تیرا |
| اس آرزو سے قادر تجھ سے ہوں ملتجی میں |
| محشر میں دے رہائی حتمی کلام تیرا |
| ان کا بنا کے رکھنا جب تک ہیں سانسیں باقی |
| جو ہے حبیب تیرا جس پر سلام تیرا |
| کرتا ہے دان تیرا پستِ دہر کو اعلیٰ |
| ادنیٰ غلام ہوں میں داتا ہے نام تیرا |
| اسفل ہوں کر دے اعلیٰ قادر کریم ہے تو |
| تابع دہر ہے تیرے سارا نظام تیرا |
| میں امتی ہوں اس کا کوثر جسے ملی ہے |
| جس پر درود تجھ سے آئے مدام تیرا |
| دیکھے جو قدرتوں کو وہ دے مجھے بصیرت |
| تیرے لئے بلندی اعلیٰ مقام تیرا |
| محروم رہ نہ جاؤں میں طالبِ کرم ہوں |
| تو ربِ عالمیں ہے ہر فیض عام تیرا |
| محمود تیرے در پر تیرا شہا سوالی |
| دارین ملک تیری ان میں تمام تیرا |
معلومات