| دیارِ غیر میں ہے ، اُس کو چل کے دیکھتے ہیں |
| حسد سے کیوں اسے دشمن یوں جل کے دیکھتے ہیں |
| وہ آ کے بام پہ کرتا ہے اک اشارہ جب |
| تو لوگ معجزے گھر سے نکل کے دیکھتے ہیں |
| وہ آئے سامنے تو دیکھنے کی تاب نہ ہو |
| بھر آئے دل تو وہ پھر آنکھ مَل کے دیکھتے ہیں |
| ہماری ہو گی جو کل ، آج سے بہت بہتر |
| ہم اس لئے تو سبھی خواب کل کے دیکھتے ہیں |
| وہ جس طرح سے بھی دیکھو حسین لگتا ہے |
| تو بار بار اسے رُخ بدل کے دیکھتے ہیں |
| ” وہ آئنہ ہے ہمارا ہی عکس ہے اس میں “ |
| اسی لئے تو وہ چہرہ سنبھل کے دیکھتے ہیں |
| ہمیں یقین ہے مل جائے گا وہاں بھی ساتھ |
| تو اتنے شوق سے رستے اجل کے دیکھتے ہیں |
| کہیں جو حُسنِ ازل کا بیان ہو طارق |
| تو لوگ شعر ہماری غزل کے دیکھتے ہیں |
معلومات