| جو بھی ،لکھا تھا ہم نے وہ ، مفہوم ہی نہ تھا |
| شامل جو اس میں ہو گیا ، مضموم ہی نہ تھا |
| اک رغبتِ شدید تھی ، کس کی تھی ، کیا خبر |
| کچھ ڈھونڈتے رہے ، کسے ، معلوم ہی نہ تھا |
| بس زندگی گذار دی ، منزل سے بے خبر |
| جو کچھ ملا ہمیں یہاں ، مقسوم ہی نہ تھا |
| کتنی عجیب زیست تھی منصف نے کیا کیا |
| ہر بار اس کو ہی دیا ، محروم ہی نہ تھا |
| ہم دربدر رہے یہاں ، اور ڈھونڈتے رہے |
| شہ رگ سے جو قریب تھا معدوم ہی نہ تھا |
| اس کے بغیر زندگی ، ہم نے گذار دی |
| اب کیا کہیں کہ لازم و ملزوم ہی نہ تھا |
معلومات