| عارض و لب کو جو گلزار بنا دیتے ہیں |
| حسن کو شرم و حیا اور جِلا دیتے ہیں |
| آپ تو دل کے نہاں خانوں میں رہتے ہیں کہیں |
| ہم تو غیروں کو سر آنکھوں پہ بٹھا دیتے ہیں |
| مل انہیں جا کے کبھی ، بات ذرا کر کے دیکھ |
| مشورہ دوست جو اپنے ہوں کھرا دیتے ہیں |
| پوچھنے آئے ہیں گھر پر وہ طبیعت میری |
| تُجھ کو بیمارئ دل ، دل سے دعا دیتے ہیں |
| شرم سے یوں تو جھکے رہتے ہیں نیناں تیرے |
| اور اُٹھ جائیں تو پھر حشر اُٹھا دیتے ہیں |
| دشت میں نام تِرا لے کے صدا دینے کا |
| سینہ چاکانِ محبّت ہی صلہ دیتے ہیں |
| ہوش میں آتا نہیں کوئی بھی عاشق ان کا |
| حسن والے یہ نشہ کیسا پلا دیتے ہیں |
| آپ پیغام سُنیں جب تو پریشان نہ ہوں |
| کام کی ہم بھی کوئی بات بتا دیتے ہیں |
| یوں تو ہیں خاک نشیں، سوختہ ساماں طارق |
| اس کے قدموں میں دل و جان لُٹا دیتے ہیں |
معلومات