| آئی جو فصلِ نو بہار باغ کا رنگ ہے وہی |
| بانٹیں گے ہم نوید کیا ہاتھ تو تنگ ہے وہی |
| ارض و سما میں کیا بھلا بنتی رہے گی کربلا |
| گھیرا ہے جس نے وہ بلا رہنی جو سنگ ہے وہی |
| اب بھی شرارِ بُولہب لڑتی رہے گی نُور سے |
| نیکی بدی میں تھی سَدا جاری سو جنگ ہے وہی |
| باعثِ جاہ و فخر ہے مال ہو گو حرام کا |
| مال نہ ہو تو علم کیا باعثِ ننگ ہے وہی |
| قدریں بدل گئی ہیں اب کرتا تھا جو وفا کبھی |
| دھوکہ فریب دیکھ کے انساں بھی دنگ ہے وہی |
| شیطاں کا حوصلہ بلند ہے کہ وہ کامیاب ہے |
| ڈالی تھی اس نے جو کبھی رنگ میں بھنگ ہے وہی |
| آئی ہے ابتلا یہاں ایک کے بعد ایک پر |
| بھولے ہوئے ہیں موت کو جینے کا ڈھنگ ہے وہی |
| اب تو بچیں گے بس وہی رب کی جنہیں پنہ ملے |
| توبہ جو کر بھی لی تو کیا دل پہ تو زنگ ہے وہی |
معلومات