| دل اس کے در سے پھر کے نہ آیا تو کیا ہوا |
| اس بے وفا پہ خود کو مٹایا تو کیا ہوا |
| ہیں کوچۂ حبیب کو تاریکیاں پسند |
| پھر شمعِ آرزو کو بجھایا تو کیا ہوا |
| جب غیر سے ہی اس کو محبت ہوئی ہے راس |
| میں ساری عمر اس سے نبھایا تو کیا ہوا |
| بستر مرا تو کانٹوں سے بھرپور ہی رہا |
| تیری رہوں میں دل ہی بچھایا تو کیا ہوا |
| ہے کون وہ جو بوسے پہ کرتا ہو اکتفاء |
| نازک بدن کا پاؤں دبایا تو کیا ہوا |
| لمحہ بہ لمحہ بجلیاں دل پر مرے گریں |
| اس نے جو تھوڑا اشک گرایا تو کیا ہوا |
| اللہ تیرے دل کو بھی شاداب ہی رکھے |
| ثانی کے دل کو تو نے جلایا تو کیا ہوا |
معلومات