| شکم پرور! ترا کیوں آج بھی مطبخ میں پیشی ہے |
| زمانِ امتحاں میں بھی خیالِ خورد و نوشی ہے |
| سراپا جستجوۓ نان و بریانی بنے بیٹھے |
| یہ کہتے ہیں تلاشِ آب و دانہ عذرِ خویشی ہے |
| رواں ہے قافلہ تیرا دمادم جانبِ منزل |
| شکم "ھل من مزیدی" اور تو بھی اس کا دوشی ہے |
| میسر جتنے لمحے ہیں سبھی کو کام میں لاؤ |
| ظفریابی اسی کے نام ہے جو سخت کوشی ہے |
| ہو مقصد کامیابی گر تو سیکھو درگزر کرنا |
| کہ کمیابی کی اک منزل بھی شاہی ؔ چشم پوشی ہے |
معلومات