عطائے خدا سے جو مختار ہے |
نبی مصطفیٰ کا وہ دربار ہے |
خدا کی جہاں ہیں سدا رحمتیں |
یہاں برکتوں کا ہی تکرار ہے |
حسیں ہیں یہاں کے مناظر بڑے |
چمن یہ ہی نکہت سے سرشار ہے |
ہے فیاض عترت نبی کی یہاں |
سخاوت پہ ہر دم جو تیار ہے |
سدا نازاں سائل اسی در کا ہے |
وہ جانے سخی اس جا خیار ہے |
ہے رحمت بھی اس جا شفاعت کے سنگ |
ہوا راضی جس سے خطا کار ہے |
نہیں اس کا سائل پریشاں رہا |
جو آقا ہے اس جا وہ غمخوار ہے |
گراں قدر طالع اسے کے لیے |
بڑی راضی جس پر یہ سرکار ہے |
طلب کر اے محمود اس جا قیام |
یہاں سے عطا تجھ کو درکار ہے |
معلومات