| نسخہ ہائے آزمودہ کی کتابوں میں لکھا |
| کب ہے اکسیرِ حیاتِ جاودانی کا پتا |
| گر خدا کی معرفت پا جائے انساں ہر گھڑی |
| وہ رہے راضی خدا سے جس کی وہ پائے رضا |
| کس قدر آزردہ خاطر ہو گئے یہ دیکھ کر |
| وہ جسے ملنے گئے چپکے سے وہ چلتا بنا |
| عمر بھر جس دوڑ میں شامل رہا وہ زندگی |
| چھوڑ کر رخصت ہوئی وہ اور آگے چل دیا |
| کب تلک انسان دھوکہ کھائے گا اس دہر میں |
| کیوں سمجھ پاتا نہیں آنے کا یاں مقصد ہے کیا |
| طارق اب اس بزم میں تُو دل لگا نا چھوڑ دے |
| اس کی تیاری میں لگ جو امتحاں پیش آئے گا |
معلومات