| دستور یہ ہمارا یہاں ہر قدم رہا |
| صد شکر جو ملا نہ ملا تو نہ غم رہا |
| عادت پڑی سجود کی عہدِ شباب میں |
| اور شیب میں بھی سر تو اسی در پہ خم رہا |
| کام آ گئے جو وقت پہ لے کر گئے دعا |
| ان کا مقام دل میں کبھی پھر نہ کم رہا |
| امّید کچھ ہمیں بھی پذیرائی کی نہ تھی |
| لکھتا جو سچ ہمیشہ ہمارا قلم رہا |
| دل نے خرَد کی بات سنی ان سنی نہ کی |
| کیسے کہو کہ حکمراں دل پر صنم رہا |
| اس نے حساب ہی نہ لیا سب کے سامنے |
| تھا اس کا ظرف جس سے ہمارا بھرم رہا |
| اپنے دروں وہ خود ہی جلاتا رہا ہے آگ |
| مالِ حرام سے ہے جو بھرتا شکم رہا |
| طارق حیات امتحاں ہے موت ناگزیر |
| ہیں سرخرو ہمیں جو خُمارِ حرم رہا |
معلومات