| پانی ہو معرفت کا میسّر اگر رواں |
| پا جائیں اس کے پینے سے اک دوسرا جہاں |
| اس سے کریں وضو تو ہو لذّت نماز میں |
| عرفاں کے پانیوں میں رہیں رات دن یہاں |
| روحانی مائدہ کے یہ اترے ہیں طشت جو |
| نازل ہوئے ہیں اُس پہ جو ہے مہدئ زماں |
| آبِ حیات یہ جو میسّر ہے روز و شب |
| چشمے پہ معرفت کے ، پیئیں بیٹھ کر یہاں |
| اشکوں کے صاف پانی سے دھلتے ہیں سب گناہ |
| سجدوں میں رو ، کے التجا کرتے ہیں جب میاں |
| سیراب پانی جو کرے ، جنت کے باغ سب |
| اعمالِ صالحہ کی ہی نہروں میں ہے رواں |
| پانی کے ایک گھونٹ سے بجھتی نہیں ہے پیاس |
| لقمے سے ایک کب بھرے بھوکے کا پیٹ یاں |
| سیراب ہو ں جو پانی سے عرفان کے یہ روز |
| سر سبز ہوں یہ کھیت ، پھلیں پھولیں گلستاں |
| اس میکدے سے ملتی ہے جو معرفت کی مے |
| اس سے سرور پائیں جو ، اَسرار ہوں عیاں |
| بھوکے کو خواب روٹیوں کے آئیں رات بھر |
| پانی سراب میں ہو میسّر مگر کہاں |
| طارق بصیرتوں سے ، جو محروم تم رہو |
| کیسے عیاں ہو تم پہ وہ جو یار ہے نہاں |
معلومات