| دل کہاں اس سے آشنا ہوگا |
| زخم کوئی نیا ملا ہو گا |
| دوسروں سے ، الگ سے لگتے ہو |
| مضطرب دل کہیں ہوا ہو گا |
| تم جو تنہائیوں میں رہتے ہو |
| روگ کوئی لگا لیا ہوگا |
| یہ جو تم ایسے آہ بھرتے ہو |
| عشق تم نےکہیں کیا ہو گا |
| تم جو دامن بچا کے چلتے ہو |
| پیرہن تم نے بھی سیا ہو گا |
| تم چراغوں کو گُل جو کرتے ہو |
| دل میں روشن کوئی دیا ہو گا |
| رنگ چہرے کے یوں بدلتے ہو |
| یاد میں تو کوئی رہا ہو گا |
| آتے جاتے جو چہرےپڑھتے ہو |
| تم نے بھی تو کہیں پڑھا ہو گا |
| ضد تو جلدی سے چھوڑ دیتے ہو |
| چھوڑ جانا ہی راستہ ہو گا |
| تم محبّت کی بات کرتے ہو |
| دل پہ کچھ تو اثر ہوا ہو گا |
| دیکھ کر آ گ جو سنبھلتے ہو |
| شعلۂ عشق جل گیا ہوگا |
| سب کو جلدی سے جان جاتے ہو |
| کوئی تم کو بھی جانتا ہو گا |
| اس کو تم آزماتے رہتے ہو |
| تم سے طارق بھی سیکھتا ہو گا |
معلومات