| جب وہ محفل میں بے نقاب آیا |
| واللّہ ہر چیز پر شباب آیا |
| چہرہ زلفوں میں یوں جھلکتا ہے |
| جیسے بدلی میں ماہتاب آیا |
| ہوئی عنقا وفا کتابوں سے |
| نئے ٹیچر نیا نصاب آیا |
| لوگ گنتے رہے حسابوں میں |
| آیا آیا وہ بے حساب آیا |
| کون ہے جو مری گواہی دے |
| ہاتھ باندھے ابو تراب آیا |
| وعدہ سالن کا تھا پڑوسی کا |
| ہم بھی بھُوکے ہیں یہ جواب آیا |
| آئے اک ساتھ دونو کمرے میں |
| ایک سوسن تھی اک گلاب آیا |
| اب مجھے خط کبھی نہ لکھنا تم |
| کتنا مایوس کُن جواب آیا |
| کتنی نفرت رہی سرابوں سے |
| پھر بھی ہر گام پر سراب آیا |
| جب چراغوں میں روشنی نہ رہی |
| اک چمکتا سا ماہتاب آیا |
| ایک پائی تو مِل سکی نہ کبھی |
| آپ کہتے ہیں احتساب آیا |
معلومات