| ہستی تمام ہمدم جس نور سے ہے تاباں |
| رنگت ہے پھول کی وہ ہے رونقِ گلستاں |
| بے مثل رب نے ان کو پیدا کیا جہاں میں |
| ہستی میں میرے آقا یکتا ہیں ایسے سلطاں |
| مولا عطا ہو دل جو عکسِ جمال دیکھے |
| وہ سر ملے مجھے بھی دلبر پہ ہو جو قرباں |
| کب حکم ٹالے ان کا ہے مہر یا قمر وہ |
| ہوں حجر یا شجر وہ سنتے ہیں ان کے فرماں |
| حلقے میں مصطفیٰ کے کونین کی ہے محفل |
| خلقِ عظیم ہادی مومن پہ رب کے احساں |
| ہے لامکاں نبی کی اک سیر گاہ اے دل |
| وہ لا مکاں کے راہی رب کے ہیں پیارے مہماں |
| محمود داس ان کا دل شاد ہر جگہ ہے |
| ہادی سخی ہیں ایسے جن کے ہیں بردے سلطاں |
معلومات