| لوگ وہ بدنصیب ہوتے ہیں |
| دوست جنکے رقیب ہوتے ہیں |
| شوق پیشے میں جنکے ڈھل جائے |
| لوگ وہ خوش نصیب ہوتے ہیں |
| خطائیں لوگوں کی جومعاف کریں |
| وہ خدا کے حبیب ہوتے ہیں |
| جن کو طاقت کی بھوک ہوتی ہے |
| راہبر وہ مہیب ہوتے ہیں |
| جنکی آنکھوں میں خواب ہوتے ہیں |
| وہ مستقبل کے نقیب ہوتے ہیں |
| دکھ کی قسمیں بہت سی ہوتی ہیں |
| اپنے اپنے صلیب ہوتے ہیں |
| جاہلوں کو سدھارنے کے لیے |
| بڑے جاہل خطیب ہوتے ہیں |
| یہاں روشن ضمیر لوگوں کے |
| شغل کافی عجیب ہوتے ہیں |
| سب مقدر کے کھیل ہیں شاہد |
| اپنے اپنے نصیب ہوتے ہیں |
معلومات