چاہیں خدا کا پیار اگر پائیں دوستو |
اُس کی نظر میں سرخرُو ہو جائیں دوستو |
خواہش ہے گر کہ ہم سے محبت کرے خدا |
ہم خدمتِ انسان میں لگ جائیں دوستو |
بن مانگے پوری کر دے ہماری وہ حاجتیں |
جو اس نے ہیں کہے وہ رنگ اپنائیں دوستو |
چوکھٹ پہ اس کی گر کے کریں آہ و زاریاں |
مشکل میں اس کے در پہ ہی جُھک جائیں دوستو |
مانگیں اسی سے اس کا ، پیار کر کے کوششیں |
ہر آن اس سے ہی وفا نبھائیں دوستو |
بیمار ہیں جو ان کی عیادت کو جائیں ہم |
جو ہو سکے تو ان کے کام آئیں دوستو |
بیواؤں ، بیکسوں کا یتیموں کا ہو خیال |
کچھ ان کی بھی تو ہوں گی تمنّائیں دوستو |
نیکی کا بدلہ نیکی ، تو معمول کی ہے بات |
احسان کر کے اُس کو نہ جتلائیں دوستو |
جیسے ہیں اقربا سبھی ، ایسا کریں سلوک |
محسن بنیں، رضا خدا کی پائیں دوستو |
طارق خدا کا دین سکھاتا تو ہے یہی |
ہم اس جہاں میں نیکیاں پھیلائیں دوستو |
معلومات